Quantcast

معركة كلامية بين نقابة الصحافيين والنائب عن " ائتلاف الكرامة " يسري الدالي

أدانت النقابة الوطنية للصحفيين التونسيين بشدة، التحريض الصريح والمباشر على العنف ضد الصحفيين من قبل النائب عن ائتلاف الكرامة يسري الدالي، مؤكدة أنها ستعمل على دعم مجهود التقاضي من قبل الصحفيين الضحايا، لضمان تتبعه في قضايا يعاقب عليها القانون.
واعتبرت النقابة في بيان أصدرته اليوم الثلاثاء، أن التلويح بأن تكون العلاقة بين مجلس نواب الشعب والصحفيين في إطار « حرب كسر عظام »، هو مؤشر سلبي لمستقبل علاقة البرلمان الجديد مع حرية الصحافة والرأي والتعبير.
ودعت مجلس نواب الشعب، إلى اتخاذ كل التدابير المناسبة لتفادي خطابات التحريض والمنحى الإقصائي الذي اتسم به خطاب بعض النواب الجدد، باعتباره شريكا استراتيجيا في تكريس المكتسبات التي جاء بها دستور 2014 في علاقة بحرية الصحافة والطباعة والنشر.
وأكدت أن أفضل المقاربات لتقويم الاخلالات المهنية هي آليات التعديل والتعديل الذاتي أو الالتجاء للقضاء في آخر المطاف، بعيدا عن المقاربات الزجرية والتهديدية والترهيبية،
معتبرة أن خطابات التحريض والكراهية تعيد البلاد إلى مناخ سنتي 2012-2013 ، والتهديدات بالسحل وقائمات الموت التي أعدتها ميليشيات رابطات حماية الثورة والتنظيمات الإرهابية أنذاك.
وذكرت نقابة الصحفيين في بيانها، بأن النائب عن ائتلاف الكرامة يسري الدالي عمد أمس الإثنين، إلى التحريض ضدّ عدد من الصحفيين والعاملين في مؤسسات إعلامية عمومية، عبر تدوينة على حسابه على شبكة التواصل الاجتماعي « فايسبوك »، مؤكدة أنه دعا صراحة وبصفة مباشرة الى الاعتداء على الصحفيين.
وأضافت أن النائب المذكور اعتبر أن علاقة البرلمان بالإعلام ستكون في إطار « حرب كسر عظام »، داعيا إلى « تتبع الصحفيين وضربهم على اليد التي تؤلم وقطع دابرهم »، بما يهدد السلامة الجسدية للصحفيين التونسيين.
كما اشارت النقابة في بيانها، الى الحملة التي أطلقت على شبكات التواصل الاجتماعي، واستهدفت مؤسسات الإعلام العمومي والصحفية بالتلفزة الوطنية إلهام الكتاني، إثر استضافتها منذ أسبوع النائب زياد الهاشمي عن ائتلاف الكرامة ورفعه شعار واقعة « رابعة » خلال لقائه معها (في إشارة إلى العملية العسكرية التي جرت في صائفة 2013 لفض الاعتصام بميدان رابعة في مصر).

وللتذكير فقد  كتب يسري الدالي على صفحته ما يلي :

عندي 7 سنين وانا نقول إلّي وراء الإرهاب والتهريب عندهم علاقة متينة ببعضهم، وقلت إلّي وراء هالظاهرتين هذومة شبكات فساد كبيرة، كل شبكة منها تتكوّن من رجل أعمال فاسد وإعلامي فاسد وأمني فاسد وقاضي فاسد وسياسي فاسد… واليوم بعد حكاية الوردانين، وحكاية الغدور بيه آدم في الماديسون، يبان للناس الكل كيفاش هالشبكات خدمت وكيفاش قاعدة تخدم… إلّي يحب يصلّح يلزمو يتبّع الفاسدين هذوما ويضربهم على اليد إلّي توجع ويقطعلهم الدابر متاعهم… تبعوا الغرزة إلي تبدا مالقناة التلفزية وإلاّ الإذاعة وإلا الجريدة وإلاّ حتى الموقع الإلكتروني… من غادي تبدا الحكاية… والسنة النيابية 2019-2024 ما هيش باش تكون ساهلة… لا علينا لا عليهم… باش تكون حرب تكسير عظام… حرب بداتها قناة العهر الحوار التونسي علينا من وقت الحملة الإنتخابية وتوّة قناة التاسعة مع حسام والرويّق متاعو من غير ما نحكي على البلّومي وجماعتو في شمس أف أم في الصباح والوسلاتي في القايلة وبسباس في الليل، والغربي وجماعتو في موزاييك وبعد موزاييك + في الليل… والي يسمع حاتم بن عمارة على الوطنية الصباح هو ولطفي ساسي ويسمع برنامج القايلة ويزيد يسمع هندة في إذاعة الشباب هي وخليفو ومحمد المعمري، ويزيد يسمع جماعة IFM ومحمد اليوسفي في ديوان أف أم …. إلي يسمع هذومة الكل ويعرف الخيط الرابط بيناتهم وكيفاش تتعطى الأوامر وكيفاش تتبنى البرامج وكيفاش يختارو المنشطين وكيفاش تتسرّب المعلومة وشكون وراها وكيفاش يتم إنتقاء الأخبار ووقت بثها وكيفاش تتعمل التحاليل وكيفاش يجيبوا الضيوف ووقتاش، وكيفاش تتّاخذ الإشهارات وشكون يجيبها وحجم المداخيل في جرّتها واشنوّة المقابل الاخر خلاف الفلوس.. وعلاقة الأجهزة الأعلامية هذية بالسفارات والأجانب ورجال الأعمال والنقابات منها الأمنية وغيرها وبالسياسيين… سؤالات كيف نجاوبو عليهم ونفككو الألغاز متاعهم نكونو قدّمنا خطوة كبيرة في إصلاح الإعلام… وهاكه علاش الهايكا متاع 2019-2024 يلزمها تكون متشكّلة من كفاءات وطنية بالحق ومستقلّة بالحق موش كيف الهايكا متاع السنوسي…

 

كما رد  منذ قليل على بيان نقابة الصحافيين بما يلي

أوّل مرّة نعرف أنّو عبارة « استعدّوا لحرب كسر عظام » فيها تحريض على العنف!
بصراحة كنت أظنّها عبارة رومنسيّة عاطفيّة ملائكيّة، بعد اللّي استعملها الطّبّوبي قدّس الله سرّه، ولم تستوقف أحدا ولم تلفت نظر نقابة الصّحفيّين ولا أيّ صحافيّ حسّاس وعاطفيّ ومرهف المشاعر!
اليوم النّقابة مهبّطة بيان طويل ومسفّد وهي مفجوعة ومرعوبة من تدوينتي، عدت إليها فوجدتني أستعمل العبارة ولكن ليس في السّياق الّذي ذهبت إليه النّقابة، أستعملها كمفعول به وليس كفاعل، أتحدّث عن حرب كسر العظام التي أعلنتها علينا وسائل الإعلام المذكورة، وليس أنا من يدعو إليها…
طول أعمارهم يسبّوا في النّاس ويشوّهوا ويكذبوا ويحرّضوا على النّاس، وأوّل ما كتبنا فيهم كلمة شاطت روسهم وهبّطوا بيان طويل عريض يتباكوا ويندّدوا…
وقتلّي هوما ماخذينّا وفقة توّة شهور: إرهابيّين، دواعش، وغيرو وغيرو… هذاكا يتسمّى حرّيّة تعبير، ماريناش سي البغوري حرقوا الحليب وهبّط بيان يلجم فيه بعض الكلاب السائبة التي تنهش في عرضنا، وكي احنا نكتبوا كلمة ونكشفوا كذبهم وتزويرهم يولّي تحريض واعتداء على قداسة البابوات…
على فكرة قبل ما نختم:
احنا رانا اسمنا ائتلاف الكرامة، تذكّروا هذا جيّدا! ماناش بانديّة، آما حتّى حدّ ما ينجّم يكون باندي علينا!
افهموها مرّة واحدة، ولا تضيّعوا وقتكم الثّمين في تحبير البيانات وفي السبّ والهرسلة! رانا جيل ما يقدر عليه كان ربّ العالمين، لأنّنا أصحاب حقّ وقضيّة وإيمان بالله وبالشعب وبالدولة وبالقانون.


فيديو لحاتم القرمازي الشّاب المسجون لأنّه إخترع صاروخ "تونس حرّة"
الرّقاب/ بالفديو: الأمن يهشّم دكّان مواطن
بالفيديو: راوية علّاقي تروي تفاصيل إعتداء القيّم العام على والدتها
وقفة احتجاجية تطالب بالكشف عن الأطراف المتورطة في قضية اغتيال الشهيد شكري بلعيد
سندس قربوج: لهذه الأسباب يصبح أبناؤنا إرهابيّين
بالفيديو: ومضة تحسيسيّة رائعة
قدماء مناضلي الاتحاد العام لطلبة تونس يهددون بطلب اللجوء السياسي
حمّه الهمّامي يروي لأوّل مرّة ذكريات 14 جانفي 2011 في دهاليز الدّاخليّة (الجزء الثالث)
حمّه الهمّامي يروي لأوّل مرّة ذكريات 14 جانفي 2011 في دهاليز الدّاخليّة (جزء ثاني)

قطاع الصحة العمومية في تونس : الطريق الى...

يشتبه في استهلاكهم للـ''زطلة'': التفقدية...

حفوز : شاب يضرم النار في جسده داخل مقر...

صفحة مشبوهة باسم جامعة منوبة تنشر أخبارا...

تم التفريط بالبيع في جل صابة زيت الزيتون...

تونس تتسلم أول طائرة ثنائية المحرك من نوع...

سعر صرف الدينار يسجل تحسنا طفيفا مقابل...

تحديد هامش الربح الأقصى لبيع زيت الزيتون...

ناسا تلتقط صورة مثيرة لانهيار جليدي على سطح...

جمعية علوم الفلك تردّ على خرافة " اقتراب يوم...

كويكب "يحتمل أن يكون خطيرًا" يقترب من الأرض

اليوم الثلاثاء كسوف كلي للشمس

ممثلو الجامعة العامة للثقافة :يصفون فاضل...

اختتام المهرجان الوطني للمسرح التونسي:...

إقالة محمد بوغلاب من المكتب الإعلامي...

كفى الناس "الفورماتاج" الميديائي واللعب...